kraamaat@gmail.com
+ +92 333-430-6384


پنج رُپئے والا ماسک 120رُپئے دا ویچن والا دُکاندار گرفتار ــــ رویل نیوز


نمائندا رویل February 28, 2020


اسلام آباد(نما ئندا رویل ) ۔5رُپئے والا ماسک 120رُپئے دا ویچن والے دُکاندارنوں گرفتارکر لیا گیا۔تفصیل دے مطابق ملک بھر وچ کرونا وایرس دے کیساں دی تصدیق مگروں وکھو وکھ شہراں سنے اسلام آباد وچ وی سرجیکل ماسک دیاں قیمتاں وچ وادھا ہوگیا اے، جہدے مگروں اسلام آباد انتظامیا نے ماسک دی ودھ قیمت وصولن توں روکن لئی دفعا 144نافذ کر دتی اے۔ڈپٹی کمشنر اسلام آباد دے مطابق ماسک ودھ قیمت اُتے ویچن والے دُکان داراں خلاف کارروائی کیتی جا رہی اے تے دفعا 144دو مہینیاں لئی لا دَتی گئی اے۔ انتظامیا دا آکھنا اے کہ کارروائی دے دوران اسلام آباد دے علاقے ای الیون وچ میڈیکل سٹور اُتے چھاپے دوران اک بندے نوں گرفتار وی کیتا گیا اے۔