بادشاہی تے وزیر خان مسجد وچ فلماں تے ڈرامیاں دی شوٹنگ شرمناک کم اے:خادم رضوی ـــــرویل نیوز 

لاہور( نمائندا رویل)۔تحریک لبیک پاکستان دے سربراہ علامہ خادم حسین رضوی نے آکھیا اے کہ بادشاہی تے وزیر خان مسجد وچ فلماں تے ڈرامیاں دی شوٹنگ شرمناک فعل اے۔ ریاست مدینہ وچ پیسیاں دے ناں اُتے مسجداں دی توہین برداشت نہیں اے۔ والڈ سٹی تے ضلعی انتظامیا بے حیائی نوں ودھان وچ اگے اگے اے۔علامہ خادم حسین رضوی نے منگ کیتی کہ حکومت بادشاہی مسجد، فیصل مسجد تے مسجد وزیر خان وچ فلماں تے ڈرامیاں دی شوٹنگ اُتے پابندی لائے۔ چیتے رہوے کہ بہت ساریاں شوبزدیاں کمپناں نے ایہناں دوواں تھاواں تے فوٹو شُوٹ تے ماڈلنگ کرن نوں معمول بنایا ہویا اے تے ایہ رُجحان ودھدا ای جا رہیا اے۔