وزیر اعلا پنجاب نال ملن والے ایم پی ایز پرانے لوٹے نیں:احسن اقبال ــــــ رویل نیوز

لاہور(نمائندا رویل ) وزیر اعلا پنجاب نال ملن والے ایم پی ایز پرانے لوٹے نیں۔تفصیل دے مطابق مسلم لیگ (ن) دے رہنما اعتزاز احسن نے وزیر اعلا پنجاب عثمان بزدار نال ملن والے ایم پی ایز نوں لوٹے قرار دے دتا۔ لیگی رہنما نے میڈیا نال گل بات کردے ہوئے آکھیا کہ جے تحریک انصاف نوں ایم پی ایز دی حمایت دا شوق اے تے اوہناں دا استعفا دوائے، پی ٹی آئی دی نام نہاد صاف ستھری سیاست دا حال ویکھ لوو۔اوہناں د ا آکھنا سی کہ ایم پی ایز نوں نوٹس جاری کرن بارے صوبائی پارلیمانی پارٹی فیصلا کرے گی۔یاد رہوے کہ مسلم لیگ (ن) دے چھ ارکان نے وزیر اعلا پنجاب عثمان بزدار نال ملاقات دوران آؤندا الیکشن پی ٹی آئی ولوں لڑن دی یقین دہانی کرائی۔ اوہناں نے آکھیا کہ آؤندا الیکشن پی ٹی آئی دے پلیٹ فارم توں لڑاں گے،پارٹی نے دباء ودھایا ،یا ایکشن لیا تے استعفے دین نوں تیار آں۔