kraamaat@gmail.com
+ +92 333-430-6384


مغربی سرحداں نوں دو ہفتیاں لئی بند کرن دااعلان،نوٹی فکیشن جاری ــــــــــــــــــــ رویل نیوز


نمائندا رویل March 13, 2020


اسلام آباد(نمائندا رویل)۔مغربی سرحداں نوں دو ہفتیاں لئی بند کرن داعلان،نوٹی فکیشن جاری۔۔۔۔تفصیل دے مطابق پاکستان نے فیصلا کیتا اے کہ مغربی سرحداں نوں دو ہفتیاں لئی بند کر دتا جائے۔وزارت داخلا نے ایس حوالے نال نوٹی فکیشن وی جاری کر دتااے۔وزیر اعظم دی صدارت ہیٹھ قومی سلامتی کمیٹی دے اجلاس وچ چاراں صوبیاں دے وزیر اعلا نے رلت کیتی۔اجلاس وچ دفاع ، خارجا، داخلا تے قانون دے وزیروی رلتی ہوئے۔ وسیلیاں دے مطابق قومی سلامتی کمیٹی دے اجلاس وچ تنوں فوجاں دے سربراہ وی رلتی ہوئے۔وزیراعظم عمران خان دی صدارت ہیٹھ ہون والے قومی سلامتی کمیٹی دے اجلاس دوران ایران تے افغانستان دے بارڈ سیل کرن دا حکم ناما جاری کر دتا گیا۔دوویں بارڈر 2ہفتیاں لئی بند کیتے گئے نیں۔ایس حوالے نال وزارت نوٹی فکیشن وی جاری کر دتاگیااے۔