کرونا وایرس:پنجاب وچ روگیاں دی گنتی 78ہوگئی،وزیر صحت ـــــــــــ رویل نیوز

لاہور(نمائندا رویل )صوبائی وزیر صحت ڈاکٹر یاسمین راشد نے دسیا اے کہ پنجاب وچ کرونا وایرس دے روگیاں دی گنتی 78ہوگئی اے۔ لاہور وچ پریس کانفرنس کردے ہوئے اوہناں دا آکھنا سی کہ پنجاب وچ 384ٹیسٹ کیتے گئے نیں، جہناں وچوں جو کیس مثبت آئے اوہناں دی گنتی 78اے۔ کرونا وایرس دی تشخیص والے بندیاں نوں وکھ کر دتاگیا اے۔ اوہناں نے آکھیا کہ 80فیصد لوک پیناڈول نال ریکور کر لواں گے۔ اوہناں نے دسیا کہ ایس ویلے لاہور دے میو ہسپتال وچ کرونا وایرس دے 4روگیاں دا علاج جاری اے تے اوہ صحت حاصل کر رہے نیں۔