جمعے دی نماز روکنا آمرانا ڈھنگ اے،عالماں  دا کرفیو توں انکار ــــــــ رویل

کراچی (نمائندا رویل) پورے ملک دے علماء مشائخ دی نمایندا تنظیم علماء مشائخ فیڈریشن آف پاکستان نے قومانتری وباء کرونا وایرس دے حوالے توں سندھ سرکار ولوں جمعے نُوں دُپہر 12 توں 3 وجے تک کرفیو لائے جان والے فیصلے نُوں رَد کردیاں ہویاں تشویش دا اظہار کیتا اے‘ علماء مشائخ فیڈریشن آف پاکستان دے چیئرمین سفیر امن پیر صاحبزادا احمد عمران نقشبندی مرشدی سجادا نشین آستانا عالیہ بھیج پیر جٹا نے کہیا اے کہ کرفیو راہیں لوکاں نُوں جمعے دی نماز ادا کرن توں روکنا عذاب الٰہی نُوں دعوت دین وانگوں اے‘ جہد ی علماء مشائخ بھرویں مذمت کردے نیں۔ اوہناں نے کہیا کہ اللہ دے گھر مسیتاں نیں‘ جمعے دی نماز روں روکن لئی آمرانا اقدامات مذمت جوگ نیں۔