نوجوان ہمیشا سماجی کم وچ وزیراعظم دیاں بانہواں بنے نیں: فردوس عاشق اعوان

اسلام آباد (بیورو رپورٹ) معاون خصوصی برائے اطلاعات و نشریات ڈاکٹر فردوس عاشق اعوان نے کہیا اے کہ ساریاں سیاسی جماعتاں توں التماس اے کہ لفظاں دی بجائے ”کاز“ نُوں اہمیت دین۔ اپنی ٹویٹ وچ فردوس عاشق اعوان نے کہیا کہ سماجی خدمتاں وچ نوجواناں نے ہمیشا روشن کردار ادا کیتا کیوں جے اوہ بے غرض ہو کے خدمت خلق دا کم انجام دیندے نیں۔ وزیراعظم نے مستحق بندیاں دے گھراں وچ لوڑی دیاں شیواں پہنچان دی ذمے داری ایہناں نوجواناں دے سپرد کیتی جہڑے سماجی کم وچ عمران خان دیاں ہمیشا بانہواں بنے۔ معاون خصوصی نے کہیا کہ لفظ ”ٹائیگر‘‘ نُوں کسے سیاسی جماعت نا منسوب نہ کیتا جاوے‘ معاشرے دی خدمت کرن والا ہر نوجوان ٹائیگر اے۔