لاہور:   کرونا روگیاں اُتے 2 دوائیاں دا تجربا کامیاب ٭ روگی صحت یاب ـــــــــ رویل نیوز

لاہور (نمائندا رویل) کرونا ویارس نال متاثرا روگیاں لئی ہائیڈروکسی کلوروئین تے ایز یتھرو مائی سین دوائیاں فایدے مند ثابت ہون لگیاں نیں۔ روگیاں نُوں ایہناں دوائیاں دا 5 دن دا کورس مکمل کروایا گیا‘ ہُن تک 18 روگی صحت یاب ہو چکے نیں۔ متاثرا روگیاں نُوں ہائیڈروکسی کلوروئین پہلے دن 2 گولیاں صبح تے 2 شام دِتیاں گئیاں جد کہ باقی 4 دن 1 گولی صبح تے اِک شامل دِتی جا رہی اے۔ کرونا ایڈوائزری گرُپ دے کو چیئرپرسن اسد اسلم نے ایس بارے گل کردیاں ہویاں کہیا کہ گلے دی سوزش‘ بیکٹیریا‘ جلد دے انفیکشن‘ اکھ تے کن دے انفیکشن لئی استعمال ہون والی ایزیتھرومائی سین اِک گولی صبح تے شام 5 دن دا کور مکمل کرویا جاندا اے‘ نجی معالج وی ایہ 2 دوائیاں اپنے کرونا دے روگیاں نُوں استعمال کروا سکدے نیں۔