کنک دی واڈھی لئی واہی بیجی دی مشینری والیاں ورکشاپاں کھولن دا حُکم٭ کساناں نوں کرونا توں بچن لئی جتن کرنا پئے گا: وزیر زراعت ــــــ رویل نیوز

لاہور (نمائندا رویل) پنجاب سرکار نے صوبے وچ کنک دی ویلے سر واڈھی نُوں یقینی بنان لئی واہی بیجی دے ساماندیاں ورکشاپاں نُوں فوری طور اُتے کھولن دا حکم دے دِتا۔ حکومتی احکامات دے اجرا وچ وزیر زراعت پنجاب ملک نعمان لنگڑیال نے اہم کردار ادا کیتا۔ کساناں دیاں مختلف تنظیماں نے وزیر زراعت پنجاب ملک نعمان لنگڑیال توں ایس حوالے توں مطالبا کیتا سی جہنوں وزیراعظم عمران خان تے وزیر اعلا پنجاب سردار عثمان بزدار دی خصوصی دلچسپی نال فوری طور اُتے پورا کر دِتا گیا تے زرعی آلات دیاں ورکشاپاں فوری کھولن دا حکم دے دِتا گیا تاں جے پورے صوبے وچ کنک دی واڈھی لئی استعمال ہون والے زرعی آلات خراب ہون دی صورت وچ اوہناں نُوں ٹھیک کروایا جا سکے۔