لاہور: لاک ڈاؤن دوران شہریاں نال سختی نال نِبڑیا جاوے گا--------رویل نیوز

لاہور (نمائندا رویل) لاہور شہر وچ لاک ڈاؤن دے فیصلے اُتے سختی نال عملدرآمد کروان دا فیصلا‘ صوبائی راجدھانی وچ صبح 8 توں رات 8 وجے دی چھوٹ دے بعد باہر آن والے شہریاں نال سختی نال نبڑیا جاوے گا۔ لاہور دے داخلی دے داخلی تے خارجی راہواں دے بعد شہر دیاں اہم شاہراواں اُتے وی ہُن سختی ہو گئی۔ خیال رہوے کہ شہر وچ مارکیٹاں تے دُکاناں بند ہون دے بعد وی شہری ضرورت بغیر گھُمدے پھرد ے نظر آندے سن۔ ہُن انتطامیا نے غیر ضروری طورا ُتے باہر آن والے شہریاں نال حتمی طور اُتے نبڑن دا فیصلا کر لیا اے۔ ایمبولینس‘ گڈز ٹرانسپورٹ‘ میڈیا‘ ڈاکٹرز تے پولیس دے علاوا غیر ضروری باہر نکلن والے بندیاں دے خلاف کارروائی ہوے گی‘ ایہو جہے سارے بندیاں خلاف دفعا 144 دی کارروائی عمل وچ لیاندی جاوے گی۔ سی سی پی او لاہور ولوں جاری ہدایت وچ شہریاں نُوں کہیا گیا اے کہ اوہ صبح 8 توں رات 8 وجے دے وچکار اپنے ضروری کم نبیڑن‘ رات 8 دے بعد شہری غیر ضروری طور اُتے گھراں توں باہر نہ نکلن۔