لوکائی دے حقاں دی راکھی کراں گے٭حقیقی آگو قوماں دی قسمت  بدل سکدے نیں:  چئیر مین    پیپلز پارٹی ــــــــ رویل نیوز

اسلام آباد/ کراچی(نیوز ڈیسک) پاکستان پیپلز پارٹی دے چیئرمین بلاول بھٹو زرداری نے زور دِتا اے کہ قوم نُوں کرونا وایرس دے ودھدے ہوئے بحران دا مقابلا کرن تے اپنے لوکاں نُوں ایس منڈلاندی ہوئی بربادی توں بچان لئی شہید ذوالفقار علی بھٹو دے وژن دی پیر وی کرن دی ضرورت اے۔شہید ذوالفقار علی بھٹو دے 41 ویں شہادت دیہاڑ اُتے اپنے پیغام وچ بلاول نے کہیا کہ حقیقی آگو قوماں دی تقدیر بدل دیندے نیں تے بحراناں دے دوران ودے عزم تے وژن دے نال رہنمائی کردے نیں۔ پی پی پی چیئرمین نے ایس داارادا کیتا اے کہ اوہ اپنے وڈکیاں دی میراث نُوں جاری رکھن گے تے ہر قیمت اُتے اپنی لوکائی تے اوہناں دے مفادات دی راکھی کرن گے۔