فرانزک رپورٹ دی تانگھ اے ٭طاقتور گرُپ منافع سمیٹن جوگا نہیں رہوے گا: وزیراعظم

اسلام آباد(نمائندا رویل) وزیراعظم عمران خان دا کہنا اے کہ کنک‘ کھنڈ بحران دے ذمے داراں دے خلاف تفصیلی رپورٹ آن اُتے کارروائی ہووے گی۔ سماجی رابطے دی سائٹ ٹوئٹر اُتے وزیراعظم عمران خان نے کہیا کہ وعدے دے مطابق کنک تے کھنڈ دیاں قیمتاں وچ اچانک وادھے دی تحقیقاتی رپورٹ بغیر ردو بدل ساہمنے لے آئے‘ ایہو جہی رپورٹ پبلک کرن دی پاکستان دی تواریخ وچ کوئی مثال نہیں ملدی جد کہ پچھلیاں حکومتاں وچ اپنے مفاد تے مصلحتاں دے کارن ایہو جہیاں رپورٹاں جاری کرن دی اخلاقی جرات نہیں سی۔ وزیراعظم نے کہیا کہ اعلا اختیاراتی کمیشن توں تفصیلی فرانزک رپورٹ دا انتظار کر رہیا آں‘ کمیشن دی رپورٹ 25 اپریل نُوں آئے گی جہدے بعد کنک‘ کھنڈ بحران دے ذمے دار بندیاں خلاف کارروائی ہووے گی‘ رپورٹاں آن دے بعد کوئی با اثر لابی لوکائی دا پیسا نہیں کھا سکے گی۔