پوری دُنیا وچ کرونا روگیاں دی تعداد بارے پڑھو۔۔۔۔رویل نیوز

پوری دنیا وچ کرونا وایرس نال متاثرین دی گنتی 13 لکھ توں ٹپ گئی جد کہ مَوتاں دی گنتی 74807 ہو گئی اے‘ پاکستان وچ پچھلے 24 گھنٹیاں دوران ہور 579 بندیاں وچ کرونا وایرس دی تصدیق ہوئی اے جہدے بعد متاثرا بندیاں دی گنتی 4006 ہو گئی اے تے ہلاکتاں دی گنتی 55 تک اپڑ گئی اے جد کہ 28 روگیاں دی حالت ماڑی اے‘429 روگی صحت یاب ہو گئے نیں۔ کمانڈ اینڈ کنٹرول سینٹر دے مطابق پنجاب وچ 2004‘ سندھ وچ 986‘ خیبر پختونخوا وچ 500‘ بلوچستان وچ 204‘ گلگت بلتستان وچ 211‘ اسلام آباد وچ 83جد کہ ازاد کشمیر وچ کرونا دے 18 روگی نیں۔ دوجے پاسے امریکی میڈیا رپورٹ مطابق پوری دنیا وچ کرونا وایرس تیزی نال کھلر رہیا اے‘ کرونا وایرس نال اٹلی وچ 16523 تے سپین وچ 13341 بندے لقما اجل بن گئے نیں۔ کرونا نال امریکا وچ ہُن تک 10941 ہلاکتاں ہوئیاں نیں۔ برطانیا وچ کرونا وایرس نال ہون والیاں مَوتاں دی گنتی 5373 توں ودھ گئی اے۔ یورپی ملک فرانس وچ کرونا وایرس نال ہلاکتاں دی گنتی 8911‘ بھارت وچ 136 ہو چکی اے۔