kraamaat@gmail.com
+ +92 333-430-6384


بلونت سانیپوردا لیکھ "سدھے لفظاں وچّ سدھی بات"


خاص لیکھ April 08, 2020


بلونت سانیپوردا لیکھ "سدھے لفظاں وچّ سدھی بات"

میں دھرتی دے اوس ٹکڑے دا وسنیک سا جس نوں انڈیا،بھارت، ہند وستان آکھیا جاندا اے ۔ ایہ دیش اک دیش نہیں اے بہت سارے چھوٹے چھوٹے ٹکڑیاں دا اک زبردستی نال اک مٹھ کیتا سموہ اے ۔ایس وچّ دکھاوے دی ایکتا اے پر ایہ وڈیاں ہویا اے ایس دی ونڈ دے بہت بھیانک نتیجے نکلدے رہندے ہن نت ہی دنگے ہوندے ہن اتے نہتے مظلوم مردے رہندے ہن بولیاں زباناں دے ناں تے علاقائی ونڈ دے ناں تے دریائی پانیاں دے ناں تے اکھوتی لوچڑ ثقافت دے ناں دھرماں جاتاں پاتا دے ناں تے وغیرا ۔

ایہناں اپنے لکھن انداز وی وڈے ہوئے نے شاہ مکھی باون اکھری گورمکھی کنڑ اڑیاں بنگالی۔

بھوج پوری ہور بہت ۔ ایہ قدرتی اے کہ دھرتی اتے کجھ دوری اتے جا کے رہن سہن کھان پین دے ڈھنگ طریقے بدل ای جاندےنیںاتے بولیا بولن وچّ وی فرق آ جاندے ہن ۔ سانوں ایس فرق وچوں انند نہیں آؤندا اسیں اوویں نالائق ہا ں کہ دُوجے دے رہن سہن، بول چال نوں گھٹیا سمجھ نفرت کردے ہاں ۔ اپنے آپ نوں باقیاں نالوں عقل مند کہہ وڈیاندے ہاں ،مطلب اپنے مونہوں آپے میاں مٹھو کہنا ساڈی فطرت مڈھوں ای اے ۔

ایس ویلے، دنیا وچّ کرونا وائرس دی بیماری دا پرچار واہیات پھیلا سرکاراں ولوں لوکاں دے بنیادی مسئلیاں نوں بھلاؤن اتے الجھاؤن دا کم زوراں شورا نال چلایا ہویا اے ۔ دلال روپی پرچار ذرائع سرکاری پکھ نوں پُورن دا پورا ساتھ دے رہیا اے ۔ کاروبار بند نیں لوک نوکریاں توں ویلھے ہو گئے ہن ۔ کجھ کوُ ضروری زندگی نوں جیوندا رکھن لئی کھاد پدارتھاں دے کماں تے کم بہت ای سبھ سبھا ل نال چل رہیا اے ۔

میں کوئی پچھلے چودھاں ورھیاں توں آسٹریلیا آن وسیا ہا ں اتے اج کل کنٹریکٹ تے ڈیلی ویجز ملازم دے طورتے اک سرکاری محکمے وچ جوب کر رہیا ہاں ۔ جس دا سنبندھ سدھا لوکاں دے مسئلیاں نال اے ۔ ایس نامراد بیماری کارن لوکاں دے دُکھ ویکھے نہیں جا رہے سرکاری امداد لین لوکاں دیاں سویرے دفتر کھلن توں پہلا لائیناں لگ جاندیاں نیں ۔ بُڈھے،لولے،لنگڑے،جہناں کول کم اے نہیں، حاملہ عورتاں وغیرابے فکر کھڑے ایمان داری نال اپنی واری دی اُڈیک کردے رہندے ہن۔ کیہ مجال کوئی کالھ کرے نمبر بدلے دھکادھولا کرے جاں کوئی سفارش کرن کراؤن دا دھوکھا کرے رشوت دا لین دین تاں ایہناں دی سوچ وچ ہی نہیں ۔ اندر کم کرن والے ملازماں دے سکّے سنبندھی وی لائن وچّ ہوندے ہن کیہ مجال کم دوران اوہ ہتھلا کم چھڈ ایہناں نوں ملن وی آ جان ۔ اپنے کم لئی پورے ایماندار۔

آسٹریلیا وچّ پہلوں بوش فائر (جنگل نوں لگی اگّ) دے نقصان دی پورتی دی بھرپائی اجے سرکار پوری نہیں کر پائی سی کہ اُتوں ایہ کروناوائرس آ دھمکیا، لاک ڈاؤن کارن لوکاں دے حالات بد توں بتر ہو گئے ۔ سویرے دفتر کھلن توں گھنٹے دو گھنٹے پہلوں لوک آپنیا ں آپنیاں کرسیاں یاں بغیر کرسیاں لائن بنا دفتر دے اگے کھڑے ہو جاندے ہن مجبور اداس اف انسانی غلطیاں تے جھوردے چہرے کدے کدے گلّاں گلّاں وچ پھٹ پیندے ہن میرے نال ۔ میرے دفتر کھولن سار Good morning, Welcome توں شروع ہویا سفر چلدا رہندا اے مڑدے وقت کسے دے چہرے ‘تے خوشی ہوندی اے have a good day کہہ رخصت ہوندا اے کیونکہ راشن پانی دے پیسے کھاتے وچ پہنچ گئے ہوندے ہن کوئی اداس خالی ہتھ دوجے دن آن دا وعداکر see-tomorrow کہہ تر جاندا اے ۔ دسمبر 2019 توں ایہ سلسلاجاری اے ۔ اپنے تے دوجے لئی پورن بچا رکھ دو میٹر توں فالتو فاصلارکھ گفتگو وچ مگن ۔

جس دفتر وچّ پہلا 30-35 لوکاں دے بنہ دا بندوبست سی اج کل کھای کر کدے 4 تے کدے 6 ہی آ اندر بیٹھ سکدے ہن مطلب کرسیاں دی دوری ودھا دِتی اے ۔ باقی دفتروں باہر اپنی واری دی اُڈیک بڑے ہی دھیرج نال دُوری بنا کھڑے/بیٹھے کردے ہن ۔ میرا ایہ دسن دا مطلب ساڈے دفتراں، افسراں، کلرکاں اتے بندوبستیاں دی تلنا کرنا اے کہ ساڈا کیہ حال اے ربّ دے لمبڑداراں دا ؟ تسیں آپ ای سوچ لوو ۔ اسیں تاں اجے اپنے لوکاں نوں لوکاں دی بولی وچّ وی لکھ کے سمجھا وی نہیں سکدے ۔ ایتھے تاں اک وی بنداجے باہروں آ وسیا اے اس دی جانکاری لئی ضروری گل سمجھاؤن لئی اس دی بولی دے اس دے اکھراں دے چناؤ وچّ لکھ دفتراں وچّ پلٹے لٹکا دتا جاندا اے ۔ جد کہ باہروں آیا ہر بندا اینی کوُ انگریزی جاندا ہی اے کہ اوہ اوہناں بارے جان سکے ۔

میرے 5 مہینیاں دے عرصے دوران 10,11 کوُ بھارتی /پاکستانی آئے ہونے نیں صرف دو پنجابی پر ساریاں بولیا ں وچّ لکھ لوکاں لئی لا دتا گیا اے ۔ پھر کیوں نہ صفت کریئے ایہناں دیوتے لوکاں دی ۔ ایہ سر نہیں کہندے کسے نوں چاہے وزیر اعظم ہی کیوں نہ ہووے سدھا ناں لے بلاؤندے نیں جے ناں نہیں آؤندا تاں ہیلو پلیز بسّ ۔ اسیں غلام آپنیاں کرتوتاں کرکے ہی راے ہاں کیوں جےاسیں دوجے نوں غلام کرنا لوچدے ہاں دوجے توں اپنی چاپلوس کرواؤنا اپنی شان سمجھدے ہاں ۔ اج وی ساڈی فطرت ایہو اے ۔

ساڈا تاں بسّ ربّ راکھا،اﷲ بیلی

٭٭٭٭٭