دُنیا وچ کرونا نال وگڑدی حالت، 15 لکھ تک روگی ہو گئے۔۔۔۔۔رویل نیوز

لاہور (نمائندا رویل)دنیا وچ کرونا کیسز15 ہزار توں ٹپ گئے‘ دنیا وچ کرونا ویارس نال متاثرا کیسز دی گنتی 14 لکھ 41 ہزار 589 ہو گئی‘ ایس وایرس نال ہُن تک 82 ہزار 933 بندے مَوت دے مونہ وچ جا چکے نیں‘ وایرس توں صحت یاب ہون والیاں دی گنتی 3 لکھ 8 ہزار 549 اے۔امریکا وچ کرونا وایرس نال 24 گھنٹیاں وچ 1 ہزار 858 بندے ہلاک ہو گئے جہناں وِچوں 8089 ہلاکتاں صرف نیو یارک وچ ہوئیاں جدکہ 33 ہزار توں ودھ نویں روگی ساہمنے آئے نیں۔ دوجے پاسے پاکستان وچ کرونا وایرس دے ہور کیسز ساہمنے آن دے بعد ایس وایرس نال متاثرا بندیاں دی گنتی 4 ہزار 204 ہو گئی اے‘ کرونا وایرس نال ملک وچ ہور 3 بندے چلانا کر گئے جہدے بعد کل مَوتاں دی گنتی 61 ہو گئی اے۔ ملک وچ کرونا وایرس نال واصل ہون والے 61 روگیاں وچ سندھ دے 20‘ خیبر پختونخوا دے 18‘ پنجاب دے 17‘ گلگت بلتستان دے 3‘ بلوچستان دے 2 تے اسلام آباد دا اِک روگی شامل اے۔ پورے ملک وچ کرونا وایرس دے 507 روگی ہُن تک صحت یاب ہو چکے نیں‘ 3 ہزار 637 بندے ہسپتالاں وچ علاج ہیٹھ نیں جہناں وِچوں 25 روگیاں دی حالت ماڑی اے۔ کرونا وایرس دے پنجاب وچ 2108‘ سندھ وچ 1036‘ خیبر پختونخوا وچ 527‘ گلگت بلتستان وچ 212‘ بلوچستان وچ 210‘ اسلام آباد وچ 83 تے ازاد جموں کشمیر وچ 28 کیسز رپورٹ ہو چکے نیں۔