kraamaat@gmail.com
+ +92 333-430-6384
نمائندا رویل
April 11, 2020
ملتان (نمائندا رویل) ملتان وچ امدادی رقم ونڈن دے دوران بھاجڑ نال اِک سوانی واصل تے 20 بندے زخمی ہو گئے نیں۔ ریسکیو وسیلیاں دے مطابق سوانی دی لاش تے زخمیاں نُوں نشتر ہسپتال منتقل کر دِتا گیا اے۔ ہسپتال انتظامیا دا کہنا اے کہ زخمیاں نُوں ابتدائی طبی امداد فراہم کیتی جا رہی اے۔ وسیلیاں مطابق ملتان وچ واقع قاسم پور سینٹر وچ احساس پروگرام دے تحت رقم ونڈن دوران بھاجڑ مچی۔ رقم ونڈن دا مرکز ایم اے جناح ہائی سکول وچ قایم کیتا گیا سی جتھے پولیس دی نفرتی وی تعینات سی۔ بھاجڑ مچن دی اطلاع اُتے ریسکیو رضا کار موقع اُتے پہنچ گئے تے زخمیاں نُوں ہسپتال منتقل کیتا‘ واصل ہون والی سوانی دی عمر 70 سال توں بُہتی اے جہڑی احساس پروگرام تحت رقم لین آئی سی۔
