جعلی کرونا دوائیاں دی ویچ وٹک سنگین ہو سکدی اے: عالمی ادارا صحت ٭چین‘ بھارت وچ لاک ڈاؤن پاروں جعلی دوائیاں ودھ رہیاں نیں: رپورٹ۔۔۔۔۔رویل نیوز

لندن (نیٹ نیوز) عالمی ادارا صحت ڈبلیو ایچ او) نے خبردار کیتا اے کہ ترقی پذیر ملکاں وچ کرونا وایرس بارے جعلی دوائیاں دی ویچ وٹک وچ وادھا ہو رہیا اے جہدے سنگین مضمر اثرات ہو سکدے نیں۔ افریقا وچ وِکن والیاں جعلی دوائیاں دے بارے وچ وی پتا لگا اے جتھے جعل ساز مارکیٹ وچ پیدا ہون والے خلاء توں فایدا چُک رہے نیں۔ برطانوی نشریاتی ادار ے دی رپورٹ وچ دَسیا گیا اے کہ پوری دنیا وچ لوک بنیادی دوائیاں دا ذخیرا کر رہے نیں پر وڈی گنتی وچ طبی سامان تیار کرن والے دو ملکاں چین تے بھارت وچ لاک ڈاؤن تے دوائیاں دی منگ وچ وادھے دی وجھا توں جعلی دوائیاں دی ویچ وٹک ودھ رہی اے جو خطرناک ہو سکدی اے۔