ایس اوکھے ویلے دوجیاں اُتے تنقید کرن والے نہ بنو٭اپنے آپ نُوں بہتر بنان دا سبھ توں چنگا ویلا اکلاپا اے: ماور ا  حسین۔۔۔۔۔٭رویل  نیوز٭

لاہور (نیوز ڈیسک) معروف اداکارا ماورا حسین دا کہنا اے کہ وباء دا ایہ آفت والا ویلا جس نال گھر بندی شروع ہو چکی اے،ا ایہ ویلا ساڈے لئی اپنے آپ نُوں بہترین بنان دا سبھ توں چنگا ویلا اے۔ پچھلے دن پاکستان شوبز انڈسٹری نال تعلق رکھن والے معروف اداکارا ماورا حسین نے مائیکرو بلاگنگ سائٹ ٹوئٹر اُتے ٹویٹ کردیاں ہویاں لکھیا کہ میں پوری دنیا دے لوکاں نال مخاطب آں کہ ایس مشکل گھڑی وچ ناقابل برداشت‘ بدتمیز تے دوجیاں اُتے تنقید کرن والے نہ بنن۔ ماورا حسین نے لکھیا کہ مینوں پتا اے کہ اسیں سار ے ای اِک بدترین تے تاریکی دور توں لنگھ رہے آں۔ اداکارا نے لکھیا کہ ایتھے میں ایہ کہنا چاہواں گی کہ ایہ اوہ ویلا اے کہ جدوں اسیں اپنے آپ نُوں اِک بہتر انسان بنا سکدے آں۔