سٹیج فنکارا مستانہ دی 9 ویں برسی ،لوکائی دے دِلاں وچ اجے وی جیوندا اے، ساتھی فنکاراں دی گلبات۔۔۔۔۔رویل  نیوز

لاہور (این ایل آئی) لکھاں اداس تے افسردا لوکاں دے چہریاں اُتے اپنے مخصوص مزاحیا انداز نال خُشیاں کھلارن والے ملک دے معروف سٹیج فنکار تے سینئر ترین مزاحیا تھیٹر اداکار مستانا جہڑے 11 اپریل 2011 پیر نُوں ہیپا ٹائٹس دے خلاف مَوت و حیات دی لمی جنگ لڑدیاں ہویاں آخر کار شکست کھا کے داعی اجل نُوں لبیک کَہ گئے سن‘ اوہناں دی 9 ویں برسی اج منائی جاوے گی۔ ٹی وی‘ فلم تے سٹیج دے اداکار مرتضیٰ حسن عرف مستانا جہناں نے سینکڑاں انتہائی کامیاب تے یاد گار ڈرامیاں وچ کم کیتا‘ ہیپا ٹائٹس سی دے روگ وچ مبتلا سن تے اوہناں دے جگر نے کم کرنا چھڈ دِتا سی۔ اوہناں نُوں بہاول وکٹوریا ہسپتال وچ علاج معالجے دی سہولت فراہم کیتی جا رہی سی پر اوہ بچ نہ سکے۔فنکاراں دا کہنا اے کہ اوہ اجے وی لوکائی دے دلاں وچ جیوندا اے۔