زاہد حسن ہوراں دیاں "کرونا" بارےدو سجریاں نظماں

کرونا ڈیز،
__________
کد حسن تیرے دا بارا کھلسی
کد اکھاں آگے دینہ چڑھسی
ساڈے وی کجھ خاب ہن،خاباں وچ کجھ شاھر ہن
شاھراں وچ کجھ لوک ہن
شاھراں وچ جہڑےلوک ہن
ایہناں لوکاں توں،لوکاں دیاں اکھیاں توں
خاباں بھریاں اکھیاں توں
نیندر بھریاں اکھیاں توں
آون والے تاں،کدی جاونوالے
دینہ پچھدن
پچھدیاں ہن مڑ راتاں
ہن اکھیاں وچ جگراتے
ہن اکھیاں وچ برساتاں
کد تیرے آون دی گل ھلسی
کد اکھاں آگے دینہ چڑھسی
کد تیرے حسن دا بارا کھلسی

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

کرونا
ہے ویلا انت زوال دا
لے سراں دی ھولی رکھو
کتھی سناوے گل تھم تھم کے
ہنگارا،نکا نکا بھرو
جھلدے جھکھڑاں اندر
پیا سارا عالم ڈولے
سہجے سہجے،ہولے ہو لے
اک اک کر پاک روحاں ٹریاں
نہ کوئی پچھے نہ کوئی بولے
کوئیتاں اس مرگ دا بھیدی
پئی گنجھل دی گھنڈی کھولے

٭٭٭٭٭