صوبے اپنے فیصلے کرن وچ ازاد تے خُد مختار نیں: فردوس عاشق اعوان___*رویل نیوز٭

اسلام آباد (اچیچا نمائندا) وزیراعظم دی معاون خصوصی برائے اطلاعات و نشریات فردوس عاشق اعوان نے کہیا اے کہ سارے صوبے اپنے فیصلے کرن وچ ازاد تے خُد مختار نیں‘ 18 ویں ترمیم اوہناں دے آئینی اختیارات دی ضامن اے۔ سماجی رابطیاں دی ویب سائٹ ٹویٹر اُتے اپنے اِک ٹویٹ وچ اوہناں نے کہیا کہ سندھ سرکار اپنے صوبے دے حالات دے مطابق جو بہتر سمجھے اوہ فیصلا لوے‘ لاک ڈاؤن نُوں کنا ودھانا یاں گھٹ کرنا اے‘ وفاق ولوں کوئی پابندی نہیں۔ فردوس عاشق اعوان نے کہیا کہ پاکستان دی لوکائی دی حفاظت ساڈی ساریاں دی پہلی ترجیح اے‘ وفاق صوبیاں ولوں کرونا توں بچاء دے سارے اقدامات نُوں ہور مؤثر بنان تے تقویت دین وچ اپنا کردار تے ذمے داری ادا کردا رہوے گا۔