لاہور: بھیکھ منگیاں خلاف کریک ڈاؤن جاری۔۔۔۔۔٭ رویل نیوز٭

لاہور (نمائندا رویل) ڈی آئی جی آپریشنز لاہور رائے بابر سعید نے کہیا اے کہ کرونا وایرس دے کھلار دے دھڑکو نُوں ساہمنے رکھدیاں ہویاں شہر وچ کسے وی طبقے ولوں سماجی میل جول یاں رابطے دی اجازت نہیں دِتی جا سکدی۔ شہر دے چوک چوراہیاں وچ موجود پیشا ور بھکاری کرونا وایرس دے کھلار دا کارن بن سکدے نیں۔ اوہناں وجھاں نُوں ساہمنے رکھدیاں ہویاں لاہور پولیس پیشا ور بھکاریاں دے خلاف کریک ڈاؤن کر رہی اے۔ وسیلیاں مطابق لاہور پولیس نے اِک ہفتے دوران شہر دے مختلف علاقیاں توں 958 پیشا ور بھکاریاں نُوں حراست وچ لیا اے۔ ترجمان لاہور پولیس مطابق سٹی ڈویژن نے 273‘ کینٹ 251‘ ماڈل ٹاؤن 90‘ صدر257‘ سول لائنز 56 جد کہ اقبال ٹاؤن ڈویژن توں 31 بھکاریاں نُوں حر است وچ لیا گیا۔