کسے وچ حکومتی وزیراں دیاں نیب انکوائریاں کھولن دی ہمت نہیں،  دس  مہینیاں توں حمزہ شہباز ناحق قید وچ نیں: مریم  نواز۔۔۔۔٭رویل نیوز٭

اسلام آباد (نمائندا رویل) پاکستان مسلم لیگ (ن) دی ترجمان مریم اورنگزیب دا کہنا اے کہ جہانگیر ترین تے حکومتی وزیراں دیاں نیب انکوائریاں بند پئیاں نیں تے کسے وچ اوہناں نُوں کھولن دی ہمت نہیں اے۔ ترجمان مسلم لیگ نے اپنے ٹویٹ وچ کہیا کہ 10 مہینیاں وچ نیب نیزی گٹھ جوڑ حمزہ شہباز خلاف عدالتاں وچ کوئی الزام ثابت نہیں کر سکیا۔ 10 مہینے ہو گئے پر کوئی منی لانڈرنگ یاں قومی خزانے نُوں نقصان پہنچان دا الزام وی نہیں لایا جا سکیا۔ نیب نیازی گٹھ جوڑی دے 10 مہینیاں وچ عدالتاں وچ کجھ وی ثابت نہ کرن دے باوجود حمزہ شہباز ناحق قید وچ نیں۔ حمزہ شہباز دا اصل قصور نواز شریف دا بھتیجا تے شہباز شریف دا پُتر ہونا اے۔