وزیراعظم عمران خان نال ثانیہ نشتر دی ملاقات۔۔۔۔۔٭ رویل نیوز٭

اسلام آباد (بیورو رپورٹ) وزیراعظم عمران خان نال معاون خصوصی برائے سماجی تحفط ڈاکٹر ثانیہ نشتر نے ملاقات کیتی اے۔ ڈاکٹر ثانیہ نشتر نے وزیراعظم نُوں احساس ایمرجنسی کیش پروگرام دی ٹورا کاری توں اگاہ کیتا۔ ملاقات وچ لوکائی نُوں ریلیف فراہم کرن دی غرض توں احساس دے تحت ہور پروگراماں دی ٹورا کاری اُتے وی گلبات ہوئی۔ ملاقات وچ سینیٹر فیصل جاوید وی موجود سن۔ ایس موقع اُتے وزیراعظم نے کہیا کہ موجودا صورتحال وچ حکومت لوکائی خصوصن کمزور طبقے نُوں ریلیف دی فراہمی لئی ہر ممکن کوشش کر رہی اے۔ اوہناں نے کہیا کہ اوہناں نُوں ایس گل اُتے خُشی اے کہ احساس ایمرجنسی پروگرام مکمل طور اُتے شفاف‘ میرٹ اُتے مبنی تے کسے سیاستی وابستگی نُوں ملحوظِ خاطر لیاندے بغیر ملک دے دور دُراڈے علاقیاں وچ غریب لوکائی نُوں ریلیف فراہم کر رہیا اے۔