نیب آٹا چوراں تے کھنڈ چوراں نُوں نوٹسز کیوں نہیں جاری کر رہیا؟   عظمیٰ بخاری۔۔۔٭ رویل نیوز٭

لاہور (این ایل آئی) مسلم لیگ (ن) پنجاب دی ترجمان عظمیٰ بخاری نے کہیا اے کہ طیبہ گل دے نال ویڈیو لیک ہون اُتے چیئرمین نیب نُوں اخلاقی طور اُتے عہدے توں وکھرا ہو جانا چاہیدا سی۔ اِک متنازعا بندے نُوں احتساب دے ادارے دا آگو رہن دا کوئی حق نہیں۔ اِک ویڈیو سکینڈل وچ ملوث جج نُوں عہدے توں ہٹا دِتا گیا‘ دوجے ویڈیو سکینڈل وچ ملوث چیئرمین نیب حالے وی اپنے عہدے اُتے براجمان نیں۔ عظمیٰ بخاری دی نیب ولوں وار وار شہباز شریف نُوں طلبی دے نوٹسز گھلن دی مذمت‘ اوہناں نے ہور کہیا کہ نیب آٹا چوراں تے کھنڈ چوراں نُوں نوٹسز کیوں نہیں جاری کر رہیا۔ ہُن جہانگیر ترین دا بجلی دی مَد وچ ارباں دا چونا لگوان والیاں وچ وی ناں آ گیا اے۔