پچھلے 24گھنٹیاں وچ،پاکستان اندرکرونا دی تازا صورت حال  ۔۔۔٭ رویل نیوز٭

اسلام آباد (نیوز ڈیسک) پاکستان وچ کرونا وایرس نا ل ہور 22 بندے چلانا کر گئے‘ جہدے بعد ہلاکتاں دی مجموعی گنتی 167 ہو گئی جد کہ نویں کیسز ساہمنے آن دے بعد متاثرا روگیاں دی گنتی 8212تک پہنچ گئی اے۔ ملک وچ ہون والیاں 167 ہلاکتاں وِچوں سبھ توں ودھ 60 ہلاکتاں خیبر پختونخوا وچ ہوئیاں نیں جد کہ سندھ وچ 55‘ پنجاب 41‘ بلوچستان 5‘ گلگت 3تے اسلام آباد وچ 2 ہلاکتاں ہو چکیاں نیں‘ ایتوار والے دن ملک وچ ہُن تک کرونا دے ہور 471کیسز تے 22 ہلاکتاں رپورٹ ہو چکیاں نیں۔ پنجاب وچ ایتوار والے دن ہور 184 کیسز رپورٹ ہوئے جد کہ 4 مَوتاں رپورٹ ہوئیاں جہدے بعد صوبے وچ کیسز دی گنتی 3649 جد کہ مَوتاں دی گنتی 41 ہو گئی اے۔ ترجمان پرائمری ایند سیکنڈری ہیلتھ کیئر دے مطابق صوبے وچ ہُن تک کرونا توں 684 بندے صحت یاب ہو چکے نیں۔ دوجے پاسے دنیا وچ کرونا وایرس نال متاثرا بندیاں دی گنتی 23 لکھ 47 ہزار 249 ہو چکی اے جد کہ ایہدے نال ہلاکتاں 1 لکھ 61 ہزار 98 ہو گئیاں۔ کرونا وایرس نال پوری دنیا وچ 15 لکھ 80 ہزار 492 روگی ہُن وی ہسپتالاں وچ علاج ہیٹھ نیں‘ جہناں وِچوں 55 ہزار 168 دی حالت ماڑی اے جد کہ 6 لکھ 5 ہزار 659 روگی اللہ تعالیٰ دے فضل و کرم نال ایس بیماری توں نجات پا کے ہسپتالاں توں اپنے گھراں نُوں پرت چکے نیں۔امریکا کرونا وایرس نال سبھ توں ودھ متاثرا ملک اے جتھے ہلاکتاں 39 ہزار 15 ہو گئیاں جد کہ کرونا وایرس نال بیماری ہون والیاں دی مجموعی گنتی 7 لکھ 38 ہزار 923 ہو گئی اے۔