مُلک وچ کرونا روگیاں دی پچھلے چوی گھنٹیاں وچ کیہ گنتری رہی تفصیل جانن لئی ۔۔۔٭رویل نیوز٭

لاہور (نیوز ڈیسک) پاکستان وچ کرونا دے روگیاں دی کل گنتی 8 ہزار 648 ہو گئی جد کہ ایس وباء نال ہور 14 ہلاکتاں دے بعد مَوتاں دی گنتی 181ہو گئی اے۔ ملک وچ 6 ہزار 446کرونا دے روگی ہُن وی ہسپتالاں وچ علاج ہیٹھ نیں‘ جہناں وِچوں 47 دی حالت ماڑی اے جد کہ 2 ہزار 3 روگی اللہ تعالیٰ دے فضل و کرم نال ایس بیماری توں صحت یاب ہو چکے نیں۔ پنجاب وچ کرونا دے روگیاں دی گنتی سبھ توں ودھ 3 ہزار 721 اے جد کہ ایہدے نال ہلاکتاں 42 ہو گئیاں نیں۔ سندھ وچ ہُن تک کرونا وایرس دے 2 ہزار 767 روگی ساہمنے آئے نیں جد کہ 61 روگی کرونا کارن جان دی بزی ہار چکے نیں۔ خیبر پختونخوا وچ روگیاں دی گنتی 1235 ہو چکی اے جد کہ 67 چلانا کر گئے نیں‘ بلوچستان وچ 432 روگی تے 5 بندے ہلاک ہوئے نیں‘ گلگت بلتستان وچ 263 روگی جد کہ 3 ہلاکتاں ہوئیاں نیں‘ اسلام آباد وچ 181 روگی جد کہ 3 بندے جان دی بازی ہار چکے نیں۔دوجے پاسے پوری دنیا وچ کرونا وایرس نال متاثرا بندیاں دی گنتی 24 لکھ 18 ہزار 845 ہو چکی اے جد کہ ایہدے نال ہلاکتاں 1 لکھ 65 ہزار 759 ہو گئیاں نیں۔ کرونا وایرس دے پوری دنیا وچ 16 لکھ 19 ہزار 751 روگی ہُن وی ہسپتالاں وچ علاج ہیٹھ نیں‘ جہناں وِچوں کئیاں دی حالت تشویسناک اے جد کہ 6 لکھ 33 ہزار 335 روگی نیں۔