kraamaat@gmail.com
+ +92 333-430-6384


نیب ولوں شہباز شریف نُوں فیرطلبی دا نوٹس جاری‘ شہباز شریف دی زندگی خطرے وچ نہیں پا سکدے: مریم اورنگزیب ۔۔۔۔ ٭رویل نیوز٭


نمائندا رویل April 23, 2020


لاہور (نمائندا رویل) پاکستان مسلم لیگ (ن) دے صدر تے اپوزیشن لیڈر قومی اسمبلی شہباز شریف دے نیب آفس اِک واری فیر پیش نہ ہون اُتے نیب نے شہباز شریف نُوں 4 مئی نُوں دُپہر 12 وجے دُبارا سَدن دا نوٹس جاری کر دِتا اے۔ ایس سلسلے وچ نیب حکام دا کہنا اے کہ شہباز شریف نُوں نیب ورگے قومی قومی ادارے نال تعاون کرنا چاہیدا اے کیوں جے قانون ساریاں لئی برابر اے۔ دوجے پاسے پاکستان مسلم لیگ ن دی ترجمان مریم اورنگزیب نے کرونا وایرس دے خطریاں کارن شہباز شریف دے نیب وچ پیش نہ ہون بارے دَسدیاں ہویاں کہیا اے کہ مطلوبا مکمل معلومات دستاویزات دے نال دستیاب ریکارڈ سنے فراہم کر دِتی گئی اے‘ کوئی ہور معلومات وی منگی گئی تے دے دواں گے‘ شہباز شریف کینسر سرجری توں لنگھ چکے نیں‘ جہدے نتیجے وچ قوت مدافعت دی کمی کارن خدانخواستا کرونا وایرس نال متاثر ہو سکدے نیں‘ زندگی خطرے وچ نہ پائی جاوے۔