کرونا وایرس جون تک ٹیسی اُتے اپڑن دا امکان،متاثرین دی گنتی ودھے گی جہدے لئی تیار رہنا چاہیدا اے: محمود قریشی۔۔۔۔ ٭رویل نیوز٭

اسلام آباد (نمائندا رویل) وزیر خارجا مخدوم شاہ محمود قریشی نے کہیا اے کہ پاکستان وچ حالے کرونا وایرس اوس بلند ترین سطح اُتے نہیں پہنچا جہڑ ی غالبن مئی دے آخر تے جون دے شروع وچ متوقع اے۔ سانوں تیار رہنا چاہیدا اے کہ حالے کرونا وایرس نال متاثرین دی گنتی وچ وادھا ہوو گا تے مَوتاں دی شرح و چ وادھا وی خارج از امکان نہیں‘ اج اسیں اِک ایہو جہی صورتحال نال دو چار آں جتھے اِک پاسے سنوں ایس کرونا وباء دے کھلار نُوں روکنا اے تے دوجے پاسے سانوں غریب طبقے نُوں بھُکھ توں بچانا اے سانوں ایس حوالے توں ہر حال وچ توازن برقرار رکھنا پوے گا‘ پاکستان وچ حالے کرونا اوس ٹیسی اُتے نہیں پہنچیا جہڑی غالبن مئی دے آخر تے جون دے شروع وچ متوقع اے۔