کرونا وجوں گھبراہٹ دا ماحول پریشان کن: بشریٰ انصاری۔۔۔۔٭رویل نیوز٭

ٹورنٹو (نمائندا رویل) پاکستان دی معروف اداکارا بشریٰ انصاری دا کہنا اے کہ کرونا وبادے کارن ایہو جہیا ماحول ہو گیا اے جتھے باہر نکلن توں وی خوف آندا اے تے گھبراہٹ ہوندی اے۔ نامور اداکارا تے مزاح نگار بشریٰ انصاری نے وائس آف امریکا دے ”انسٹا گرام لائف“ وچ گلبات کردیاں ہویاں کہیا کہ ایمان اے کہ مَوت تے اِک دن آنی اے پر کرونا دی وجھا توں کھلری بے یقینی نال پریشان رہندی آں‘ ایہ ایہوجہیا ماحول اے جتھے باہر نکلن توں وی خوف آندا اے‘ گھبراہٹ دا ایہ ماحول پریشان کردا اے۔ بشریٰ انصاری نے اپنی نجی زندگی بارے دَسیا کہ اوہناں دی طلاق نُوں کئی سال ہو چکے نیں‘ اوہناں نے تے اوہناں دے خاوند نے وی 36 سالا شادی وچ بہت کوشش کیتی کہ اسیں خُش رہ سکیے پر آخر دے 16 سالاں وچ ساڈی زندگی وچ بہت مسئلے سن۔