کرونا دا خوف ودھ گیا ،غیر ملکیاں دے ویزے دی مدت وچ وادھا.....٭رویل نیوز٭​​​​​​​

اسلام آباد (نمائندا رویل) پاکستان وچ موجود غیر ملکیاں دے ویزے دی مدت وچ 30 جون تک وادھا کر دِتا گیا۔ میڈیا رپورٹ دے مطابق وزارت داخلا نے کرونا وایرس دے کھلار نُوں روکن لئی ویزے دی مدت وچ وادھا کیتا اے تے ایس سلسلے وچ سارے متعلقا اداریاں نُوں اگاہ کر دِتا گیا اے۔ وزارت داخلا نے کرونا وایرس دے کارن دوجی وار غیر ملکیاں دے ویزے وچ وادھا کیتا اے۔ واضح رہوے کہ کرونا وایرس دا کھلار روکن لئی پاکستان وچ فضائی اپریشن دی بندش وچ وی 15 مئی تک وادھا کیتا گیا اے جد کہ ایس دوران بیرون ملک پھسے 62 ہزار پاکستانیاں نُوں واپس لیان لئی خصوصی اُڈاناں چلائیاں جا رہیاں نیں۔