مسجد الحرام تے مسجد نبوی نوں اَٹھ رمضان  توں کھولن دا اعلان۔۔۔۔۔٭رویل نیوز٭

جدہ (اُچیچا نمائندا) مسجد الحرام تے مسجد نبوی نُوں 8 رمضان توں کھولن دا اعلان کر دِتا گیا جہدے بعد سعودی وزارت حج و عمرہ ولوں آن والے لوکاں لئی احتیاطی تدبیراں دا اعلان کیتا گیا اے۔ ایس حوالے توں وزارت حج و عمرہ ولوں جاری کردا ہدایتاں وچ دَسیا گیا اے کہ آن والیاں نُوں جائے نماز لیانی پوے گی‘ مسجد وچ رکھے قرآن پاک دے نسخے استعمال کرن دی مناہی ہووے گی۔ نماز پڑھن آن والیاں نُوں اِک دوجے توں فاصلا رکھن تے ماسک پا کے مسجد وچ آن دی اجازت دِتی جاوے گی۔ ایہدے علاوا حکام ولوں دَسیا گیا اے کہ دوہاں مسجداں دے واش رومز نُوں بند رکھیا جاوے گا تے ہینڈ سینیٹائزر دے استعمال نُوں یقینی بنایا جاوے گا۔ ایس ضمن وچ مسیتاں دے باہر حکومت ولوں ہینڈ سینیٹائزر رکھے جان گے تے آن والے ہر بندے نُوں ہدایت کیتی جاوے گی کہ اوہ ایہناں دے استعمال دے بعد مسجد وچ داخل ہون گے۔