محنت ،تعلیم تےپکے ارادے والا بِل گیٹس

محنت ،تعلیم تےپکے ارادے والا بِل گیٹس

نوید سیٹھ

اِک انسان غریب پیدا ہو یا اس وچ اوہدا کوئی قصور نہیں۔لیکن اگر غریب ای مر جاوے تے ایہدے وچ سارااوہدا اپنا قصور اے۔بل گیٹس دُنیا دے مشہور امیر ترین بندیاں وچ گِنے جاندے نیں۔آپ جی مائیکروسافٹ کمپنی دےمالک اتے بل اینڈ ملینڈا گیٹس فاؤنڈیشن دے بانی نیں۔ آپ امریکا دے شہر واشنگٹن وچ 28 اکتوبر 1955 وچ پیدا ہوئے۔ آپ دے والد دا ناں ولیم ہنری گیٹ سی اور والدہ دا ناں میری میکسویل گیٹ سی۔ امریکا ہر محنت کرن والے دے سُفنے پورے کردا اے۔ہر نوجوان بچے دی طرحاں بل گیٹس نے اپنی مُڈھلی تعلیم واشنگٹن تو ں حاصل کیتی بعد دی تعلیم حاصل کرن واسطے بل گیٹس نے دُنیا دی سبھ توں مشہور ہارورڈ یونیورسٹی وچ داخلا لیا۔
آپ دے والد اِک اُچے درجے دے وکیل سن تےماں جی اُستانی سن ۔آپ دےوالد چاہندے سی کہ تُسیں قانون دی تعلیم حاصل کرو۔لیکن قسمت نوں کچھ ہور ای منظور سی۔ بل گیٹس نے پندرھاں ورھیاں دی عمر وچ پہلا کمپیوٹر سوفٹ ویئر بنایا۔ایسے سافٹ ویئر دا کم ٹریفک سگنل نوں کنٹرول کرنا سی۔آپ نے 1975 وچ ہارورڈ یونیورسٹی نوں خیرباد کہہ دتا۔کیوں جے آپ اپنے دوست نال مل کے دنیا نوں ٹیکنالوجی دا نواں رنگ دینا چاہندے سی۔ ایہ اوہ دور سی جدوں انسان نے چن اُ تے قدم رکھ دتا سی۔انسان دا کم کرن واسطے روبوٹ آچکے سن ۔ دُنیا وچ آئے دیہاڑ تبدیلی آرہی سی۔کاروبار، سکول، کالج تے دفاتر وچ کمپیوٹر نے اپنی تھاں بنالئی سی۔اِک انٹرویو وچ جدوں بل گیٹس دے والد کولوں پچھیا گیا کہ بل گیٹس دی کامیابی دا کیہ بھیت اے؟؟؟
جواب ویچ بل گیٹس دے والدنے دسیا کہ ہر انسان دا دماغ اِک جیسا ای ہوندا اے لیکن محنت، تعلیم تے پکا اراد انسان نوں کامیاب بناندا اے۔
بل گیٹس نے یونیورسٹی چھڈن توں بعد اپنا سارا ویلا کمپیوٹر پروگرامنگ وچ لایا۔ ایس محنت دے سِٹے دنیا دی سبھ توں وڈی کمپنی آئی۔ بی۔ ایم نے بل گیٹس نوں سافٹ ویئر بناون دا کم دتا۔ بل گیٹس دی کمپنی مائیکرو سافٹ نے ونڈوز دا سافٹ ویئر متعارف کرایا ۔مائیکروسوفٹ دے پروگرامنگ سافٹ ویئر نو لوکاں نے بے انتہا پسند کیتا۔ ایسں سافٹ ویئردے کرکےای آئی ۔بی۔ ایم نے بہت سارا پیسا کمایا۔بل گیٹس تے مائیکروسافٹ دی ایسں کامیابی نوں ہن کوئی نہیں روک سکدا سی۔ مائیکروسافٹ نے ونڈوز کے ایم ایس آفس ورگے کئی سافٹ ویئر متعارف کرائے۔
ہر کامیاب مرد دے پچھے اِک عورت دا ہاتھ ہوندا اے، بل گیٹس دی کامیابی پیچھے وی اوہناں دی ماں دے نال نال بیگم ملینڈا گیٹس دا ہاتھ سی۔ بل گیٹس تے ملینڈا گیٹس دا ویاہ 1 جنوری 1994 و چ ہویا۔ بل گیٹس نے شادی توں بعدوی محنت نہ چھڈی سگوں جے کہیا جاوے بے انتہا محنت کیتی تاں غلط نہ ہوئے گا۔ ایسی محنت دے سِٹے وچ ای بل گیٹس دُنیا دے امیر ترین آدمی بنے ۔ اِک دن جدو ں بل گیٹس اپنی دِھی دے نال کھانا کھاون گئے تے جدوں ویٹر بل لے کے آیا آپ نے ویٹر نوں پنج ڈالر دا انعام دتا۔ ایس گل توں ویٹر نماجہیا مسکرا اُٹھیا۔بل گیٹس نے مسکران دی وجھا پچھی تاں ویٹر نے جواب دتا!!! جناب جدوں تہاڈی دِھی کھانا کھان آندی ہے تے پانچ سو ڈالر دا انعام دیندی اے۔ لیکن تسیں دُنیا دے امیر ترین بندےہو کے صرف پانچ ڈالر انعام دے رہے او۔ بل گیٹس نے ایس گل دا بڑا متاثر کر دین والا جواب دتا۔ میری کڑی دنیا دے امیر ترین باپ دی دِھی اے لیکن میرا باپ اِک غریب آدمی سی۔بل گیٹس نے اپنی تمام زندگی غریب تے ماڑے لوکاں لئی بے پناہ کم کیتےنیں تے اجوکے سمے وچ وی کر رہے نیں ایوں لگدا اوہناں نے جیون دا مقصد ای لوکائی دی سیوا رکھیا ہویا اے۔۔۔۔۔۔۔۔۔۔۔۔۔۔

٭٭٭٭٭