کرونا ویکسین 2021 تک تیار نہیں ہو سکدی عالمی ادارا صحت۔ ویکسین دی تیاری دے مرحلے مکمل ہون وچ ڈیڈھ سال لگ سکدا اے۔۔۔۔٭رویل نیوز٭
نمائندا رویل
May 10, 2020
جنیوا (نیوز ڈیسک) عالمی ادارا صحت (ڈبلیو ایچ او) نے واضح کیتا اے کہ کجھ وی ہو جاوے کرونا وایرس دی وباء توں بچاء دی ویکسین 2021 تک تیار نہیں ہو سکدی۔ امریکی کمپنی موڈریکا دی ویکیسن ایم آر این اے 1273 دا دوجا ازمایشی مرحلا شروع ہوندیاں ای عالمی ادارا صحت نے واضہ کیتا اے کہ کجھ وی ہو جاوے‘ دنیا وچ کوئی وی کرونا توں بچاء دی ویکسین 2021 دے آخر تک ساہمنے نہیں آ سکدی۔ عالمی ادارا صحت دے ترجمان دے مطابق نویں ویکسین دی ازمایش دے 3 مرحلے ہوندے نیں‘ جہدے بعد ہور 2 مرحلے وی ہوندے نیں تے ایہناں سارے مرحلیاں نُوں مکمل کرن وچ ڈیڈھ سال دا ویلا لگ جاوے گا۔ اوہناں نے دَسیا کہ کرونا توں بچاء دی ویکسین دی ازمایش دا دوجا تے تیجا مرحلا پہلے مرحلے توں بُہتا مشکل ہوندا اے تے ایہدے وچ بہت ویلا لگدا اے۔ ڈاکٹر ڈیل فشر مطابق پہلے مرحلے دی کامیابی دے بعد وجے مرحلے وچ کئی لوکاں اُتے ویکسین نُوں ازمایا جاندا اے۔
