اسلام آباد وچ لاک ڈاؤن وچ 31 مئی تک وادھا،چھوٹیاں مارکیٹاں ایس او پیز دے نال کھولیاں جا سکن گیاں: نوٹیفکیشن۔۔۔۔٭رویل نیوز٭

اسلام آباد (بیورو رپورٹ) اسلام آباد وچ لاک ڈاؤن 31 مئی تک ودھا دِتا گیا۔ ضلعی انتظامیا نے نوٹیفکیشن جاری کر دِتا اے۔ نوٹیفکیشن دے مطابق پہلے مرحلے وچ تعمیراتی سیکٹر کھول دِتا گیا‘ سٹیل‘ پلاسٹک پائپ‘ الیکٹرونک آلات‘ پینٹس دی انڈسٹری کھول دِتی گئی اے۔ سینٹری ورکس تے ہارڈویئر دیاں دُکاناں وی کھُلیاں رہن گیاں۔ کریانا سٹورز وی کھولن دی اجازت اے۔ چھوٹیاں مارکیٹاں وچ ایس او پیز د ے نال دُکاناں کھولیاں جا سکن گیاں۔ دُکاناں ہفتے دے 5 دن کھولن دی اجازت ہووے گی‘ نوٹیفکیشن دے مطابق پارکس‘ ٹریل‘ پولو کلب‘ ٹینس کورٹ ایس او پیز اُتے عملدرآمد کردیاں ہویاں کھولن دی اجازت اے۔