ورلڈ کپ 1999‘وسیم اکرم نے میری توہین کیتی سی: خالد محمود۔۔٭رویل نیوز٭

ڈھاکا (نمائندا رویل) پچھلے بنگلا دیشی آل راؤنڈر خالد محمود نے دعوا کیتا کہ ورلڈ کپ 1999 دے آپسی میچ وچ وسیم اکرم نے میری توہین کیتی سی۔ اِک انٹرویو وچ خالد محمود نے کہیا کہ پاکستان دے خلاف میچ وچ اسیں پوری شدت نال بولنگ کر رہے ساں تے حریف سائیڈ دباء وچ سی‘ وسیم اکرم نُوں بولنگ کردیاں ہویاں جدوں میں اوہناں دیاں اکھاں وچ اکھاں پا کے ویکھیا تے اوہناں نے مینوں کہیا کہ کیہ ویکھ رہے او تے نال ای توہین آمیز جملا وی کہیا‘ اگلی گیند اُتے وی میرے گھور کے ویکھن اُتے اوہناں نے انج ای کیتا۔ واضح رہوے کہ 1999 دے ورلڈ کپ وچ پاکستان بنگلا دیش دے خلاف اپنا گرُپ میچ ہار گیا سی۔ ایس میچ وچ کامیابی بعد بنگلا دیش لئی بین الاقوامی کرکٹ دے بوہے کھل گئے سن۔