کرونا نال تِن لکھ توں ودھ ہلاکتاں ،کرونا ساڈے نال ای رہوے گا،کئی ہور بیماریاں وانگ ایہدے نال ای جینا پے سکدا اے:عالمی ادارا صحت ۔۔۔۔۔رویل نیوز

(نیٹ نیوز)کرونا وایرس پاروں ہلاکتاں دی تعداد ہر آون والے دن نال ودھ رہی اے۔ایس بارے وکھ وکھ مُلکاں نے تدبیراں کیتیاں نیں بہت سارے سائنسداناں نے ایس واسطے ویکسین بناون دا وی جتن کیتا اے پر حالے تک سبھ ناکام ای وکھائی دیندے نیں۔اج عالی ادارا صحت نے آنکڑیاں نوں ساہمنے رکھدیاں ہویاں ایہ دسیا اے کہ شاید ایس بیماری نال ای دُنیا والیاں نوں جینا پوے گا جویں ایچ آئی وی دا اجوکے سمے تیکر کوئی علاج نہیں لبھیا جا سکیا اے ایسے طرحاں کرونا بارے علاج واسطے وی ایہو ای خیال کیتا جا سکدا اے۔