پنجابی زبان دی ودھوتری واسطے ہر کھیتر وچ ایس دے لکھن والیاں دی وڈی کھیپ تیار کرن دی لوڑ بہت ضروری اے۔ ایس واسطے لکھن والیاں نوں اِ ک اجہیا پلیٹ فارم دِتا جاوے جتھے اوہ ہر کھیتر وچ لکھن سکن ۔ایس نال پنجابی زبان وچ جتھے نواں رنگ شامل ہووے گا اوتھے نویں لکھن والیاں نوں وی پریرنا ملے گی کیوں جے نویں پِیڑھی اِنٹرنیٹ نال جُڑی ہوئی اے تے اوہ اخبار،رسالے تے کتاباں واسطے وی ایس نوں ای وسیلا سمجھدے نیں ۔
رویل نوں اِک لمے چِر توں اخباری تے کتابی صورت وچ چھاپ کے وَنڈیا جاندا رہیا اے پنجابی زبان دے مسلسل لکھن والیاں لکھاریاں تے نویں لکھن والیاں نوں رویل نے ساہمنے لیاندا اے۔ ایہ سیوا جاری رکھن واسطے ایس نوں آن لائن کرن دا جتن کیتا گیا اے تاں جو ساری دُنیا توں ودھ توں ودھ پڑھنہار ایس تک اَپڑ سکن ۔ ایس دا ناں وی پنجابی پڑھن والیاں واسطے اوپرا نہیں اے جس کر کے پنجابی دا کوئی وی سچا تے سُچا سیوک رویل دیاں سیواواں نوں کدے وی وسار نہیں سکدا۔اِنٹرنیٹ راہیں وی پورا پورا جتن کیتا جاوے گا کہ پنجابی لکھن والیاں نوں ودھ توں ودھ لکھن دی پریرنا دِتی جاوے تے نویں لکھن والیاں نوں پہلے وانگ ای جی آیاں نوں
ہیا جاوے گا۔
