kraamaat@gmail.com
+ +92 333-430-6384
پنجابی شاعری
May 17, 2020
چٹے رنگ دا بادام ہووے
اُٹھ ماہیا گڈ مارننگ میری طرفوں سلام ہووے
٭
تندوری تائی ہوئی سی
آن لائن نہیں آئے ڈھولا واشنگ مشین جو لائی ہوئی سی
٭
باجرہ تُل جاندا
ویکھ کے مکھ تیرا دُکھ مینوں بھل جاندا
٭
پُھل ڈالی نالوں توڑ لیا
ساتوں کیہ قصور ہویا مکھ سجناں موڑلیا
٭
گنا گوڈے نال بھنیا کر
اپنی منانا اے کدی ساڈی وی منیا کر
٭
پیپسی دا کھو کھا وے
سمجھ معصوم سانوں دے چھڈیا دھوکھا وے
٭
کالے رنگ دا کاسا وے
تیری یاد چن ماہیا اک میٹھا جہیا ہاسا اے
٭
کالے کالے نین ماہیا
اج ماہی ملن آونا اے دل ڈاڈھا اے بےچین ماہیا
٭
کوئی دُدھ تے ملا ئی ماہیا
رب کولوں تینوں منگیا نہیں منگی وے جدائی ماہیا
٭
کوئی چٹا وے انگور ہوسی
توڑکےدل ساڈا ماہیا رویا تے ضرور ہوسی
٭
کوئی چٹی وے قمیض ہوندی
ضد نہ کر ماہیا ضد بچیاں دی چیز ہوندی
٭
سونے دا کِل ماہیا
وچھڑےسال ہو گئے عید تے مل ماہیا
٭
سڑک توں سر چاواں
کوئی اوہنوں پچھ آوے جیواں کے مر جاواں
٭
صافا چھنڈ رکھنا
کم نہیں او سجناں دا دروازا بند رکھنا
٭
کوئی ُاڈدے دے باز ہوندے
ہر چیز بری لگدی جدوں سجن ناراض ہوندے
٭
مندری دے نگ ماہیا
ساڑسوا ہ کیتا ایس ہجر دی اگ ماہیا
٭
لال رضائی اے
ماں دے پیراں تھلے رب جنت بنائی اے
٭
پتے ُسک گئے درختاں دے
تیرے تے بہاراں آئیاں اسیں ڈنگے ہوئے بختاں دے
٭
پانی او سمندراں دے
ماہیے اوہ لکھدے جہڑے سڑے ہوئے اندراں دے
٭
توتاں دی چھاں ہو وے
سر ہوے سجناں دا تھلے میری او بانہ ہووے
٭
