وزیر تعلیم پنجاب مراد راس دی پیف پارٹنر نال فیصلا کن ملاقات۔۔۔٭رویل نیوز٭

لاہور (نمایندا رویل) صوبائی وزیر تعلیم پنجاب ڈاکٹر مراد راس دی پیف پارٹنر نال لاہور وچ فیصلا کن ملاقات ہوئی‘ ملاقات وچ ایم ڈی پیف‘ سی ای او ایجوکیشن لاہور‘ پیف پارٹنرز تے ہوراں رلت کیتی۔ ڈاکٹر مراد راس نے کہیا کہ کرونا وایرس ورگی عالمی وباء پیف پیما پارٹنر ز نُوں ادائیگیاں وچ دیر دی بنیادی وجھا بنی۔ اگلے 2 ہفتیاں دے دوران پیف پارٹنرز نُوں 50 فیصد تک دیاں ادائیگیاں کر دِتیاں جان گیاں‘ پیما نُوں فوری طور اُتے ادائیگیاں دا حکم کر دِتا اے‘ پیچ تے پیما ولوں جاری کردا سارے سرکولرز نوں حتمی تواریخ وچ کرونا وایرس دی بدولت ہور 6 مہینیاں دی مہلت د نوٹیفکیشن وی جاری کیتا جاوے گا‘ سارے متعلقا مسئلیاں دے مستقل تے کارآمد حل لئی 3 رکنی کمیٹی بنا دِتی اے جہڑی عیدالفطر بعد کم کرے گی۔