عالمی بینک دی پاکستان نوں صحت،زرعی شعبے تے سماجی ترقیاتی پروگرام وچ مالی مدد دا اعلان۔۔۔٭رویل نیوز٭

اسلام آباد (نمایندا رویل) عالمی بینک پاکستان نُوں 37 کروڑ ڈالر فراہم کرے گا‘ رقم وچوں 20 کروڑ ڈالر پنجاب وچ صحت عاما دے پراجیکٹس اُتے خرچ ہون گے‘ جد کہ رقم وِچوں 17 کروڑ ڈالر خیبر پختونخوا وچ زرعی شعبے دی بہتری اُتے خرچ ہون گے۔ اسلام آباد وچ سیکریٹری اقتصادی امور نور احمد تے عالمی بینک دے پاکستان وچ کنٹر ڈائریکٹر نے معاہدے اُتے دستخط کیتے۔ معاہدے دے تحت ورلڈ بینک تے وزارت اقتصادی امور دے وچکار 2 منصوبیاں لئی 371 ملین ڈالر فنڈنگ فراہم کرے گا۔ تقریب وچ وفاقی وزیر برائے اقتصادی امور خسرو بختیار نے وی رلت کیتی۔ وفاقی وزیر خسرو بختیار دا سماجی ترقیاتی پروگرام تے زرعی شعبے وچ فنڈنگ اُتے ورلڈ بینک دا شکریا ادا کیتا۔ ورلڈ بینک کے پی وچ نظام آبپاشی دے منصوبے وچ کل لاگت وچ 171 ملین ڈالر دی فنڈنگ کرے گا۔ منصوبا آبپاشی دا دایرا کار کے پی دے سارے ضلعیاں اُتے لاگو ہووے گا۔ ورلڈ بینک پنجاب سرکار دے سماجی پروگرام وچ 200 ملین دی شراکت داری کرے گا جہدی کل لاگت 330 ملین ڈالر اے۔ سماجی ترقیاتی منصوبے وچ پرائمری ہیلتھ‘ تعلیم تے مشروط نقد رقم دی منتقلی دے پروگرام شامل نیں۔ سماجی ترقیاتی پروگرام دا دایرا کار پنجاب دے 11 ضلعیاں بشمول جنوبی پنجاب دے 8 ضلعیاں اُتے ہووے گا۔