حریم شاہ ”حلیمہ سلطان“ دا کردا ادا کرن دی سدھر رکھدی اے،”حلیمہ سلطان“ ورگے دی آفر ہوئی تے ضرور قبول کراں گی: حریم۔۔٭رویل نیوز٭

لاہور (نیوز ڈیسک) پاکستان دی جھیڑویں ٹک ٹاک سٹار حریم شاہ نے پاکستان وچ تیزی نال مقبول ہوندی ترکش سیریز ”اطغرل غازی“ دا مرکزی کردار ”حلیمہ سلطان“ ورگا کردار ادا کرن دی خاہش ظاہر کر دِتی۔ اِک وی شو نُوں انٹرویو دیندیاں ہویاں حریم شاہ دا کہنا سی کہ جے اوہناں نُوں ”حلیمہ سلطان“ ورگا کردار نبھان دی آفر ہوئی تے اوہ ضرور قبول کرن گے۔ حریم شاہ نے پنی گل جاری رکھدیاں ہویاں کہیا کہ ”کوئی وی چنگی آفر ملے تے ہر اِک دی کوشش ہوندی اے کہا وہ اوہنوں بھرویں طریقے نال نبھائے‘ میری وی ایہو کوشش ہووے گی۔‘ حریم شاہ نے ’حلیمہ سلطان‘ دے کردار نُوں اِک مشکل کردار متھدیاں ہویاں کہیا کہ میری کوشش ہووے گی کہ ایہو جہیا کردار نبھاواں جہدے نال ساڈی تواریخ دی یاد تازا ہووے۔