وفاقی بجٹ 12 جون نُوں پیش کیتا جاوے گا،گھاٹے وادھے دے گویڑ۔۔۔٭رویل نیوز٭

اسلام آباد (نمایندا رویل)اگلے مالی سال دا وفاقی بجٹ 12 جون نُوں پیش کیتا جاوے گا تے وزیراعظم نے ایہدی منظوری وی دے دِتی اے۔ وزارت خزانا دے متعلقا حکام عید اُتے اسلام آباد وچ ای رہن گے تے بجٹ دے حتمی حجم دا فیصلا اگلے کجھ دن وچ کر لیا جاوے گا۔ میڈیا رپورٹ مطابق کرونا وایرس کارن معیشت نُوں جہڑا نقصان ہویا اوہدی وجھا توں بجٹ دا اہداف گھٹ کرن دا فیصلا کیتا گیا اے تے وفاقی وزارتاں ولوں دِتیاں گئیاں بجٹ تجویزاں اُتے وی ہور کانٹا مار دِتا گیا اے۔ بجٹ دا حجم 7 ہزار 600 ارب رُپئے رکھن دی تجویز دِتی گئی اے۔ نویں مالی ورھے وچ وفاق دی خالص آمدن دا گویڑ 4 ہزار 200 ارب رُپئے ہووے گا جد کہ کسارے دا گویڑ 2 ہزار 896 ارب رُپئے لایا گیا اے۔