پنجاب: تعلیمی بجٹ وچ وڈی کٹوتی دی تیاری۔۔۔٭رویل نیوز٭

لاہور (نمایندا رویل) پاکستان مسلم لیگ (ن) دی رکن پنجاب اسمبلی سعدیہ تیمور نے اِک تحریک التوائے کار پنجاب اسمبلی وچ جمع کروا دتی اے جہدے مطابق پنجاب وچ مالی بحران کارن تعلیمی ترقیاتی بجٹ وچ 84 ارب رُپئے دی کٹوتی دی تیاری کر لئی گئی۔ مالی سال 2020-21 وچ پنجاب دے تعلیم نال جُڑے 4 محکمیاں نے ترقیاتی بجٹ دی مد وچ 134 ارب رُپئے مختص کرن دی تجویز دِتی پر کرونا کارن مالی بحران نال حکومت نے شعبا تعلیم وچ گھٹ بجٹ مختص کرن دیاں ہدایتاں دِتیاں نیں۔ محکما سکول ایجوکیشن نُوں 50 ارب دی بجائے 12 ارب‘ محکما ہائر ایجوکیشن نُوں 40 ارب دی بجائے 15 ارب رُپئے ملن گے۔ محکما سپیشل ایجوکیشن نُوں 1 ارب تے محکما شرح خواندگی نُوں 7 ارب رُپئے دے فنڈ ملن گے۔