فنکار لوکاں دے دلاں وچ گھر بنانا جاندا اے: حناء دلپذیر۔۔۔٭رویل نیوز٭

لاہور(نمایندا رویل)سینئر اداکار حنا دلپذیر نے آکھیا کہ وڈا اداکار اوہ نہیں جو زیادا ڈرامیاں وچ کم کردا اے سگوں میرے نیڑے وڈا فنکار اوہ اے جو اپنے فن توں لوکاں دے دلاں وچ گھر بنا لوے، بے شمار انج دے فنکار نیں جہناں ٹی وی اتے کم کیتا تے اپنی بہترین اداکاری پاروں اج وی پچھانے جاندے نیں۔ اک انٹرویو وچ اوہناں آکھیا کہ شہرت حاصل کرنا مشکل کم اے پر ایہنوں برقرار رکھنا اوس توں وی اوکھا کم اے۔ میں مختصر عرصے وچ جنیاں کامیابیاں حاصل کیتیاں ایہ صرف رب دی ذات دی مہربانی توں ممکن ہویا تے میرا ایہدے وچ اپنا کوئی کمال نہیں۔ اوہناں آکھیا کہ میری کوئی اک پسندیدا اداکارا نہیں سگوں میرے لئی سارے احترام جوگ نیں تے میں اوہناں سب نوں پسند کردی ہاں۔