پنجاب: کنک دی خریداری ہدف دا 85 فیصد مکمل ،باقی ہدف آون والے کجھ دن وچ مکمل کرلیا جاوے گا۔۔۔٭رویل نیوز٭

لاہور(نمایندا رویل)محکما خوراک پنجاب نے کنک دی خریداری ہدف دا 85 فیصد مکمل کرلیا اے جد کہ باقی ماندا 15 فیصد آون والے کجھ دن وچ مکمل کرلیا جاوے گا۔ دسیا گیا کہ پنجاب حکومت نے 47 لکھ میٹرک ٹن کنک خریداری دا ہدف متھیا سی جہدے توں محکما خوراک پنجاب نے 39 لکھ میٹرک ٹن کنک دی خریداری مکمل کرلئی اے جد کہ صوبائی وزیر خوراک عبدالعلیم خان دا آکھنا اے کہ پنجاب وچ 10لکھ ٹن کنک دی وادھو پیداوار حوصلا افزائی اے۔ جہدے پاروں پنجاب حکومت پنجاب فلور ملز ایسوسی ایشن دے مطالبات دا از خد جایزا لوے گی۔ اوہناں ایہ وی آکھیا کہ آون والے ہفتے کنک دی فراہمی دے سلسلے وچ کے پی کے دی مدد کیتی جاوے گی۔ ایہدے بعد باقی صوبیاں لئی وی کنک دی خریداری دے حوالے کیتی جاوے گی۔