پنجاب اندر 2 ورھیاں وچ 1  نواں سکول نہیں بنیا  بزدار صاحب تسیں پنجاب دی اک وی گلی نہیں بنا سکے نہ گٹردا ڈھکن  لگا: عظمی بخاری۔۔٭رویل نیوز٭

لاہور(نمایندا رویل)مسلم لیگ ن پنجاب دی ترجمان عظمی بخاری نے آکھیا کہ بزدار صاحب تسیں دو سالاں وچ پنجاب دی اک وی گلی نہیں بنا سکے تے نہ اک وی گٹر دا ڈھکن لا سکے۔ پنجاب حکومت نے مالی سال 2019-20 دے بجٹ وچ 9 ہسپتال تے 4یونیورسٹیاں بنان دا اعلان کیتا۔ بزدار صاحب اوہ 9ہسپتال تے 4یونیورسٹیاں خلاء وچ بنائیاں گئیاں نیں۔بزدار صاحب تسیں دو سالاں وچ سینٹرل پنجاب تے جنوبی پنجاب وچ اک وی نواں سکول نہیں بنایا۔ بزدار صاحب تسیں پچھلے مالی سال ارباں روپے دا ترقیاتی بجٹ وکھ کیتا۔ پنجاب حکومت نے تعلیم لئی تاریخی بجٹ وکھ کرن دے دعوے کیتے۔ بزدار سرکارے دے تاریخی تعلیمی بجٹ توں کِنے نویں سکول تے نویں لیب بنائیاں گئیاں۔