kraamaat@gmail.com
+ +92 333-430-6384


عدیل عباس عادل ہوراں دی نظم" نکھیڑا کون کرے.....؟"


پنجابی شاعری May 26, 2020


نکھیڑا کون کرے.....؟

کیہ کھیڈ وچ رجھے کچی دے نکے بال

جنگی جہاز دی شوکاٹ توں ڈر کے

وڈیاں جماتاں وچ پڑھدے بھراواں، بھیناں ول بھج پئے

اُستاد تسلی دتی

اوئے! نسو نہیں کملیو! ایہ جہاز اپنے نیں دشمن دے نہیں

پر بال کیہ جانن اپنے تے دشمن دے جہازاں وچ کیہ وکھ ہوندا؟

دوہاں دی شوکاٹ تے سگویں ایہ

مینوں لگدا بال وی پکھوواں ورگے ہوندے نیں

جہڑے ویاہ تے پھٹن والے گولے

تے شریکاں دے ڈیرے توں ہون والے ریفل دے فیر وچ نکھیڑا نہیں کر سکدے

کدھرو وی ڈھز ہوئی تے انہاں

کاں کاں، چی چی کردیاں رکھ چھڈ دے

پر سچ پچھو تے نکھیڑا کسے تو ں نہیں جے ہوندا

باڈر تے کھلو کے ساہ لین والیاں کولو ں پچھ لینا

برود جہڑے پاسے وی پھٹے

ہوا وچ رَلے برود دی مشک تے ساہواں وچ لاہندا لون ہکو جہیا ہوندا اے...

٭٭٭٭٭