ہاتھی تے بیلی

ہاتھی تے بیلی

کلا ہاتھی بیلیاں دی بھال وچ جنگل وچ گھم رییا سی, اوہ باندر کول اپڑیا تے اوہنوں پچھیا"کیہ اوہ اوہدا بیلی بنے گا" باندر نے کہیا تسیں بہت وڈے او تے جویں میں رکھاں تے ہلونے لے سکدا تسیں نہیں تے میں تہاڈا بیلی نہیں بن سکدا

فیر ہاتھی خرگوش کول آیا تے اوہنوں پچھیا اسیں بیلی بن سکدے" ? تسیں میری بِل اندر پورے نہیں آ سکدے تے میرے بیلی نہیں ہو سکدے " خرگوش نے جواب دتا

فیر ہاتھی دی ملنی اک ڈڈو نال ہوئی تے اوہنے پچھیا کیہ اوہ بیلی ہو سکدے? ڈڈو نے آکھیا ۔

تسیں بہت وڈے تے بھارے او میرے وانگ چھال نہیں مار سکدے ایس لئی میرے بیلی نہیں ہو سکدے

ہاتھی نے ,لومڑی کولوں وی ایہو پچھیا تے اوہنوں اوہی جواب ملیا کے اوہ بہت وڈا اے۔

اگلے دیہاڑ جنگل دے سارے جنور ڈر دے مارے نس رہے سن ہاتھی نےاک رچھ نوں ڈکیا تے پچھیا ایہ کیہ ہو رہیا اے?تے اوہنے دسیا اک شیر سارے جنوراں تے حملاکر رہیا اے۔

ہاتھی نما نے جنوراں نوں بچاونا چاہندا سی اوہ شیر کول گیا تے اوہنوں آکھیا منت والی گل اے میرے بیلیاں نوں چھڈ دے اوہناں نوں نہ کھا

شیر نے اوہدی گل نہیں سنی تے کہن لگا جا کم کر آپنا, مسئلے دے حل لئی ہور راہ نہ لبھی تے ہاتھی نے شیر نوں لت کڈھ ماری تے اوہنوں ڈرا کے نسا دتا۔

فیر اوہ جنوراں کول آیا تے جو ہویا سی اوہ دسیا ایہ سن کے کہ کویں ہاتھی نے اوہناں دی جان بچائی اوہناں سانجھی مانتا نال کہیا کہ ساڈا بیلی ہون لئی تہا ڈا سائز بلکل صحیح اے۔

سبق

بیلی ہر طرحاں تے ہر سائز دے ہوندے۔