دیس اندر کرونا وایرس  دیاں تباہیاں ودھ گیاں ٭ اِک دن وچ 43 جان دی بازی ہار گئے،دُنیا وچ 18واں نمبر۔۔۔٭رویل نیوز٭

اسلام آباد (نمایندا رویل) کرونا وایرس دی جگت پدھر وباء وچ پاکستان کیسز دی گنتی دے لحاظ نال 213 ملکاں وچ ہور اِک نمبر دی گھاٹ دے بعد دنیا دا 18 واں ملک بن گیا اے‘ ملک وچ مجموعی کیسز دی گنتی 60 ہزار توں ٹپ گئی‘ پچھلے دن وایرس نال 43مَوتاں ریکارڈ کیتیاں گئیاں۔ نیشنل کمانڈ اینڈ اپریشن سینٹر ولوں جاری آنکڑیاں دے مطابق نویں تے خطرناک وایرس کووِڈ 19 دی عالمگیر وباء نال پورے پاکستان وچ 60 ہزا ر 74 بندے متاثر ہو چکے نیں‘ مَوتاں دی گنتی 1240 ہوگئی اے۔ پاکستان وچ ابادی دے لحاظ نال کرونا وایرس بارے آنکڑے انج نیں 10 لکھ ابادی وچ مَوتاں دی شرح 5 فیصد اے‘ جد کہ 10 لکھ ابادی وچ کیسز دی گنتی وی 262 اے۔ کرونا وایرس دی تشخیص لئی کیتے جان والے ٹیسٹس دی شرح 10 لکھ ابادی وچ 2227 اے۔ ملک دے مختلف شہراں وچ ایس ویلے کرونا دے علاج ہیٹھ روگیاں دی گنتی 38 ہزار 883 اے جد کہ ہُن تک 19142 روی ویراس نال لاحق ہون والی بیماری توں صحت یاب ہو چکے نیں۔ کمانڈ سینٹر دے مطابق پچھلے 24 گھنٹیاں دوران ہور 28 مَوتاں رپورٹ ہوئیاں‘ سبھ توں ودھ مَوتاں ہُن تک خیبر پختونخوا وچ ہوئیاں نیں ایہدے بعد سندھ وچ تے تیجا نمبر پنجاب دا اے۔